Në nder të shënimit të Ditës Botërore të Librit dhe të së Drejtës së Autorit, Biblioteka Kombëtare e Kosovës organizon forumin me titull “Inteligjenca artificiale dhe shkrimi”, më 23 prill 2026, nga ora 10:00–12:00, në Hollin e BKK-së.
Ky forum synon të hapë një diskutim kritik dhe ndërdisiplinor mbi ndikimin e inteligjencës artificiale në procesin e shkrimit, duke trajtuar çështje thelbësore si kufijtë e ndërhyrjes së njeriut në tekstin e gjeneruar nga AI, autorësia dhe bashkautorësia, transformimi i procesit krijues, zbehja e zërit individual të autorit, si dhe sfidat etike që lidhen me përdorimin e inteligjencës artificiale në shkrim.
Përmes këtij forumi synohet krijimi i një hapësire reflektimi dhe dialogu kulturor ndërmjet studiuesve, shkrimtarëve, ekspertëve të teknologjisë dhe përfaqësuesve të institucioneve kulturore.
Panelistët:
Anton Berishaj,
Profesor i asocuar në departamentin e Letërsisë shqipe në UP,
Gëzim Aliu,
Shkrimtar/
Këshilltar shkencor në Institutin Albanologjik
Artan Kajtazi,
Gazetar, RTK
Zjarrta Osmani,
Zv. Drejtoreshë e Zyrës për të Drejtat e Autorit dhe të Drejtat e përafërta,
Ministria e Kulturës dhe Turizmit
Valmir Hazeri,
Ekspert i teknologjisë digjitale dhe inovacionit.
Ju mirëpresim!
