STANDARDE BIBLIOTEKARE

Biblioteka Kombëtare dhe Universitare përdor një sërë standardesh ndërkombëtare gjatë punës së saj të përditshme, sidomos në fushat e mëposhtme të përpunimit të materialeve bibliotekare.

KATALOGIM

Katalogimi është një veprimtari bibliotekare që mundëson përshkrimin bibliografik së bashku me përcaktueset shtesë të materialeve bibliotekare. Rregullat e katalogimit mundësojnë përshkrimin bibliografik të materialeve në çfarëdo formati të metadatave që mund të shpiket, duke filluar nga skedat tradicionale në letër e deri te format elektronike në formatin MARC, Dublin Core, etj.
Biblioteka Kombëtare dhe Universitare e Kosovës përdor dy standarde ndërkombëtare të katalogimit:

AACR2 - standard i derivuar nga ISBD, më i detajizuar për të akomoduar burimet elektronike.(më shumë ).

ISBD - standard i krijuar nga IFLA i përdorur gjerësisht në bibliotekat e mbarë botës. (më shumë )

Biblioteka Kombëtare dhe Universitare e Kosovës përdor një format elektronik për përshkrimin e materialeve:

Formati MARC 21 – standard në të cilin gjejnë zbatim rregullat e katalogimit, dhe si të tilla pastaj mund të kuptohen dhe manipulohen nga teknologjia kompjuterike. (më shumë )

KLASIFIKIM

Klasifikimi është veprimtari bibliotekare e cila mundëson klasifikimin e materialeve bibliotekare në mënyrë të kuptueshme dhe logjike nëpër lëmenj të caktuar. Me anë të klasifikimit mundësohen që të gjitha materialet, p.sh., nga “Letërsia shqipe” të vendosen në një vend të përbashkët, virtualisht përmes kompjuterit, apo fizikisht në rafte.

Biblioteka Kombëtare dhe Universitare e Kosovës përdor dy standarde në klasifikimin e materialeve:

Klasifikimin Universal Decimal (KUD) – standard ndërkombëtar që përdoret kryesisht në Evropë, dhe gjerësisht në Kosovë. (më shumë )

Klasifikimin lëndore – standard i cili mundëson klasifikim të hollësishëm dhe të kontrolluar të materialeve bibliotekare. (më shumë )

RADHITJE

Biblioteka përdor dy sisteme të radhitjes së materialeve të saja nëpër rafte.

Formatin dhe Signaturën – mënyrë e pranuar për bibliotekat me koleksione të tipit të mbyllur. (më shumë )

Klasifikimin Universal Decimal të zgjeruar me tabelën e Katerit – mënyrë e përshtatshme për radhitjen e materialeve në bibliotekat e tipit të mbyllur. (më shumë )

Programe trajnimi/aftësimi

Biblioteka Kombëtare dhe Universitare e Kosovës ofron trajnim të herëpashershëm për punëtorët e vet në fusha të ndryshme të bibliotekarisë. Trajnime të ndryshme, gjatë viteve të fundit, janë mundësuar nga vetë BKUK-ja, por edhe nga donatorë të ndryshëm.

• Trajnimi në ShBA në aspekte të ndryshme të proceseve dhe menaxhimit të bibliotekave;
• Trajnimi në gjuhë angleze I dhe II;
• Trajnimi në programin Aleph nga ekspertë të kompanisë ExLibris dhe të BKUK-së:
• Trajnimi në modulin e katalogimit;
• Trajnimi në modulin e qarkullimit;
• Trajnimi në modulin e pasurimit;
• Trajnimi në mirëmbajtjen e sistemit.
• Trajnimi në programin RFID nga ekspertë zviceranë
• Trajnim në klasifikim lëndor nga ekspert të Bibliotekës Kombëtare të Shqipërisë;
• Trajnimi në përdorimin e burimeve elektronike (EBSCO) në Pragë;
• Trajnimi nga ekspertët amerikanë për zhvillimin e Qendrës së Bibliotekës Universitare;
• Trajnimi në ruajtje dhe konservim nga ekspertë të Bibliotekës Kombëtare të Francës;
• Trajnimi në ruajtje dhe konservim në Francë.

Biblioteka ofron po ashtu trajnim edhe për bibliotekat e Kosovës. Trajnimet e tilla mund të organizohen në grupe, ose mund të jenë edhe individuale në pajtim me institucionet. Në raste të tilla, ku trajnimet mbahen në baza individuale, atëherë, individi zakonisht trajnohet gjatë procesit të punës nën udhëzimin e një bibliotekari të BKUK-së në fusha të cilat i interesojnë.

Gjatë viteve të fundit, BKUK ka zhvilluar disa programe trajnimi në:

• Bibliotekën e Kuvendit të Kosovës;
• Bibliotekën e Skenderajt;
• Bibliotekën e Vitisë;
• Bibliotekën Shqiptare të Cyrihut;
• Bibliotekën e Fakultetit Juridik;
• Bibliotekën e Shtëpisë Korrektuese të Lipjanit dhe në Burgun e Dubravës.