|
|
Shoqata e Bibliotekarëve të Kosovës
Shoqata e Bibliotekarëve të Kosovës (www.shbk-ks.org) është e vetmja shoqatë bibliotekare e Kosovës në nivel kombëtar, e themeluar më 12 nëntor 1971. Si një bashkësi profesionistësh me një vullnet të lirë dhe punë vullnetare, është e interesuar për mbrojtjen e të drejtave të punonjësve bibliotekarë, për krijimin e kushteve më të mira për punë, për ngritjen e tyre profesionale dhe për zgjerimin e aktivitetit profesional bibliotekar.
Misioni i Shoqatës së Bibliotekarëve të Kosovës është që të ndihmojë në përmirësimin, zhvillimin dhe promovimin e veprimtarisë bibliotekare dhe bibliotekave në Kosovë në të gjitha aspektet.
|
Shoqata zhvillon edhe veprimtari botuese, si:
Revista “Biblioteka”, v. 1, nr. 1 – 1984
Revista “Biblioteka”, v. 2. nr. 2 – 2005
Formati MARC: të kuptuarit e njësive të autorizuara
ISMN: doracak për përdorues
Për t’i shfletuar këto botime, kliko: http://shbk-ks.org/krye_sq/botimet/botime.htm.
Shoqata bashkëpunon ngushtë me Bibliotekën Kombëtare dhe Universitare të Kosovës. Pjesa më e madhe e veprimtarisë së saj, përfshirë edhe veprimtarinë botuese, bëhet në bashkëpunim me BKUK-në.
Selia e Shoqatës është në Bibliotekën Kombëtare dhe Universitare të Kosovës.
Adresa:
Shoqata e Bibliotekarëve të Kosovës
Biblioteka Kombëtare dhe Universitare e Kosovës
Sheshi “Hasan Prishtina” p. n
10000 Prishtinë - Kosovë
|
|
Konsorciumi i Bibliotekave Elektronike të Kosovës
Konsorciumi i Bibliotekave Elektronike të Kosovës është themeluar më ....., identifiko edhe njeherë datën, është në folder të konsorciumit në zyren ku kam punu) përmes një granti prej 8,333 Euro, të marrë nga eIFL.net. Konsorciumi i Bibliotekave Elektronike të Kosovës funksionon në kuadër të BKUK-së. Ai është krijuar për t’u ndihmuar bibliotekave të Kosovës, si dhe institucioneve shkollore në Kosovë, të çdo niveli, për të siguruar qasje në burimet elektronike me kushte sa më të volitshme. Konsorciumi i Bibliotekave Elektronike është pjesë e konsorciumit eIFL.net, një konsorcium me shkallë botërore, e cila negocion për sigurimin e burimeve elektronike nga botuesit e mëdhenj botëror në favor të vendeve anëtarë të saj, në këtë rast për Kosovën.
Secili institucion arsimor i Kosovës, përmes bibliotekës që posedon, mund të bëhet anëtar i Konsorciumit të Bibliotekave të Kosovës dhe të përfitojë nga shërbimet e saja që mundësojnë çmime të arsyeshme për rrethanat tona, lidhje të drejtpërdrejta me botues të mëdhenj, këshilla sa i përket mënyrës së negocimit dhe vetë natyrës së burimeve elektronike, si dhe plotësimit të licencës në formë kontrate mes botuesit dhe institucionit bibliotekar. Konsorciumi ofron udhëzime dhe trajnim në përdorimin e burimeve elektronike përmes personelit të Bibliotekës.
Konsorciumi, përmes donacioneve të ndryshme, në fillim, pas vitit 1999 deri më 2005, përmes Fondacionit Soros, ndërsa prej vitit 2006 përmes një granti të Zyrës Amerikane në Prishtinë, ofron qasje në burimet elektronike të EBSCO-s dhe në dy burime elektronike të Gale, njëra për letërsi, e tjetra për biografi të ndryshme, duke rezultuar në afro 21 mijë tituj revistash elektronike të fushave të ndryshme. Këto baza revistash dhe burimesh të tjera elektronike janë në dispozicion prej shtatorit të vitit 2006 deri në fund të vitit 2009.
Konsorciumi i Bibliotekave Elektronike të Kosovës, përmes ndërmjetësimit të eIFL.net, ofron mundësi negocimi, çmime të volitshme dhe licenca të gatshme për botuesit në vijim:
________________________________
Partnerët të cilët kanë ndihmuar në themelimin dhe mbarëvajtjen e Konsorciumit të Bibliotekave Elektronike të Kosovës: http://www.eifl.net;
Zyra Amerikane në Prishtinë; Soros Foundation http://www.soros.org/initiatives/regions/south-eastern_europe
|
